Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 1.10 | Dem. 1.14 (English) | >>Dem. 1.16 |
1.12εἰ δὲ προησόμεθʼ , ὦ ἄνδρες Ἀθηναῖοι , καὶ τούτους τοὺς ἀνθρώπους , εἶτʼ Ὄλυνθον ἐκεῖνος καταστρέψεται , φρασάτω τις ἐμοὶ τί τὸ κωλῦον ἔτʼ αὐτὸν ἔσται βαδίζειν ὅποι βούλεται . ἆρα λογίζεταί τις ὑμῶν , ὦ ἄνδρες Ἀθηναῖοι , καὶ θεωρεῖ τὸν τρόπον διʼ ὃν μέγας γέγονεν ἀσθενὴς ὢν τὸ κατʼ ἀρχὰς Φίλιππος ; τὸ πρῶτον Ἀμφίπολιν λαβών , μετὰ ταῦτα Πύδναν , πάλιν Ποτείδαιαν , Μεθώνην αὖθις , εἶτα Θετταλίας ἐπέβη ·
1.13μετὰ ταῦτα Φεράς , Παγασάς , Μαγνησίαν , πάνθʼ ὃν ἐβούλετʼ εὐτρεπίσας τρόπον ᾤχετʼ εἰς Θρᾴκην · εἶτʼ ἐκεῖ τοὺς μὲν ἐκβαλὼν τοὺς δὲ καταστήσας τῶν βασιλέων ἠσθένησε · πάλιν ῥᾴσας οὐκ ἐπὶ τὸ ῥᾳθυμεῖν ἀπέκλινεν , ἀλλʼ εὐθὺς Ὀλυνθίοις ἐπεχείρησεν . τὰς δʼ ἐπʼ Ἰλλυριοὺς καὶ Παίονας αὐτοῦ καὶ πρὸς Ἀρύββαν καὶ ὅποι τις ἂν εἴποι παραλείπω στρατείας .
τί οὖν , ἄν τις εἴποι , ταῦτα λέγεις ἡμῖν νῦν ; ἵνα γνῶτʼ , ὦ ἄνδρες Ἀθηναῖοι , καὶ αἴσθησθʼ ἀμφότερα , καὶ τὸ προΐεσθαι καθʼ ἕκαστον ἀεί τι τῶν πραγμάτων ὡς ἀλυσιτελές , καὶ τὴν φιλοπραγμοσύνην ᾗ χρῆται καὶ συζῇ Φίλιππος , ὑφʼ ἧς οὐκ ἔστιν ὅπως ἀγαπήσας τοῖς πεπραγμένοις ἡσυχίαν σχήσει . εἰ δʼ ὁ μὲν ὡς ἀεί τι μεῖζον τῶν ὑπαρχόντων δεῖ πράττειν ἐγνωκὼς ἔσται , ἡμεῖς δʼ ὡς οὐδενὸς ἀντιληπτέον ἐρρωμένως τῶν πραγμάτων , σκοπεῖσθʼ εἰς τί ποτʼ ἐλπὶς ταῦτα τελευτῆσαι .
1.14
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 1.10 | Dem. 1.14 (English) | >>Dem. 1.16 |